اسلام آباد(نیوزڈیسک) اسلام آباد ہائیکورٹ میں چیئرمین پی ٹی آئی عمران خان کی 9 ضمانت کی درخواستوں پر سماعت پر محفوظ فیصلہ سنا دیا گیا ۔ چیف جسٹس اسلام آباد ہائیکورٹ جسٹس عامر فاروق اور جسٹس طارق محمود جہانگیری نے فیصلہ سنایا۔ 9 مئی کے تین مقدمات اور اسلام آباد میں احتجاج کے تین مقدمات شامل توشہ خانہ جعلسازی ، دفعہ 144 کی خلاف ورزی اور اقدام قتل کا مقدمہ بھی شامل،عدالت نے چیئرمین پی ٹی آئی کی9 کیسز میں درخواست ضمانت خارج ہونے کا فیصلہ معطل کردیاعدالت نے متعلقہ عدالتوں کو دوبارہ کیس سننے کا حکم دے دیا۔ذرائع کے مطابق چیف جسٹس عامر فاروق اور جسٹس طارق محمود جہانگیری نے چئیرمین پی ٹی آئی کی درخواستیں بحال کرنے کی استدعا منظور کرلی۔ان کیسز میں 9 مئی کے تین مقدمات، اسلام آباد میں احتجاج کے تین مقدمات، توشہ خانہ جعل سازی کیس، دفعہ 144 کی خلاف ورزی اور اقدام قتل کے مقدمات شامل ہیں۔ 6 درخواستیں سیشن کورٹ اور تین انسداد دہشت گردی عدالتوں میں ہیں۔اسلام آباد ہائی کورٹ نے ٹرائل کورٹ میں ضمانت کی درخواستیں بحال کرتے ہوئے ضمانت خارج کرنے کے ٹرائل کورٹس کے فیصلے کالعدم قرار دے دیے۔چیئرمین پی ٹی آئی نے ضمانتیں خارج کرنے کا فیصلہ چیلنج کرتے ہوئے مؤقف اختیار کیا تھا کہ 9 ضمانت کی درخواستیں متعلقہ عدالتوں میں زیر التوا سمجھی جائیں اور ان 9 مقدمات میں متعلقہ عدالتوں کے حتمی فیصلے تک گرفتاری سے روکا جائے، متعلقہ عدالتوں کو 9 مقدمات کے فیصلے میرٹ پر کرنے کی ہدایت دی جائے۔
