دبئی (نیوزڈیسک)انٹرنیشنل کرکٹ کونسل نے ون ڈے اور ٹی 20 پلیئرز کی نئی رینکنگ جاری کردی۔آئی سی سی کے جاری اعلامیے کے مطابق ون ڈے میں کپتان قومی کرکٹ ٹیم بابراعظم کا بدستور پہلا نمبر برقرار ہے جبکہ وین ڈر ڈسن کا دوسرا، امام الحق کا تیسرا اور فخرزمان پانچویں نمبرپرہیں،بالرز رینکنگ میں آسٹریلیا کے جوش ہیزل ووڈ کی پہلی پوزیشن ہے جبکہ شاہین شاہ آفریدی کی رینکنگ میں نویں پوزیشن برقرار ہے، حارث روف 7 درجے کی چھلانگ کے بعد 36ویں نمبر پر آگئے۔ ٹی 20 بیٹرز میں بھارت کے سوریا کمار یادیو کا پہلا نمبر برقرار ، محمد رضوان دوسرے اور بابر اعظم تیسرے نمبر پر ہیں۔ ٹی 20 بالرز میں افغانستان کے راشد خان کا پہلا نمبر برقرار ،ٹاپ 10 ٹی ٹوئنٹی بالرز میں پاکستان کا کوئی کھلاڑی نہیں۔
