اسلام آباد(نیوزڈیسک)مسلم لیگ (ن) کے سینئر رہنما جاوید لطیف نے کہا ہے کہ ریاست کی بقا کےلیے زبان کھولنا پڑے گی۔میڈیا سے گفتگو میں جاوید لطیف نےکہا کہ 2 دن میں جو کچھ ہوا، وہ اچانک نہیں تھا، اس کا آغاز اُس وقت ہوا تھا جب بل جلاکر سول نافرمانی کا اعلان کیا گیا تھا۔انہوںنے مزید کہا کہ اب کچے کا ڈاکو بھی 200 تخریب کار لاکر اپنی بات منوالیا کرے گا،جاویدلطیف نے کہاکہ موجودہ صورتحال پر کل سے جلسے اور ریلیوں کا انعقاد کریں گے، سپریم کورٹ کے باہر احتجاج غیرمعینہ مدت کے لیے ہوگا یا نہیں فیصلہ پی ڈی ایم کرے گی۔