اسلام آباد(نیوز ڈیسک) مسلم لیگ (ن) کی سینئر رہنما وفاقی وزیر اطلاعات و نشریات مریم اورنگزیب نے کہا ہے کہ ہم سیاسی انتقام پر یقین نہیں رکھتے ، عمران خان کو اگر خاموش کرنا ہوتا تو 14 ماہ انتظار نہ کرتے۔تفصیلات کے مطابق مسلم لیگ (ن) کی سینئر رہنما وفاقی وزیر اطلاعات و نشریات مریم اورنگزیب نے غیرملکی میڈیا کو انٹرویو دیتے ہوئے کہا کہ عمران خان کو قانون کے مطابق گرفتار کیا اس پر کرپشن الزامات تھے گرفتاری سے حکومت کا کوئی تعلق نہیں ،عمران خان سجھتا ہے کوئی اسے پوچھ نہیں سکتا، ہمیشہ عدلیہ کی توہین کی ۔ انہوں نے کہا کہ ہم عمران خان کو نااہل کیوں کرانا چاہیں گے؟ کوئی جمہوری حکومت ایسا کیوں کرے گی؟ لیکن عمران خان نے اپنے دور میں سیاسی رہنماؤں جیلوں میں ڈالا ۔ انہوں نے کہا کہ گزشتہ تین روز سے مسلح جتھے سڑکوں پر ہیں جنہوں نے عوامی املاک کو نقصان پہنچایا۔