اسلام آباد(نیوز ڈیسک) چیئرمین پی ٹی آئی عمران خان کی گرفتار کا معاملہ ، سپریم کورٹ میں سماعت جاری۔تفصیلات کے مطابق پی ٹی آئی چیئرمین عمران خان کی گرفتاری کیخلاف پر چیف جسٹس عمر عطا بندیال کی سربراہی میں 3 رکنی بنچ کیس کی سماعت کررہا ہے، بنچ میں جسٹس محمد علی مظہر اور جسٹس اطہر من اللہ شامل ہیں ۔ جسٹس اطہر من اللہ نے کہا کہ عمران خان احاطہ عدالت میں داخل ہو چکے تھے ،کیا انصاف تک رسائی کے حق کو ختم کیا جا سکتا ہے،مناسب نہ ہوتا نیب رجسٹرار سے اجازت لیتا، قانون اپنے ہاتھ میں کیوں لیا؟۔ درخواست گزار کے وکیل حامد خان نے کہا کہ ،عمران خان ضمانت قبل از گرفتاری کیلئے اسلام آباد ہائیکورٹ آئے ،بائیو میٹرک کروا رہے تھے ، اسی وقت رینجرز کمرے کا دروازہ توڑ کر داخل ہوئی،بدسلوکی کی اور ان کو گرفتار کیا۔ اس پر چیف جسٹس عمر عطا بندیال نے کہا کہ نوے افراد عدالت کے احاطہ میں داخل ہوئے نیب نے عدالت کی توہین کی ہے اس قسم کی حرکت نیب پہلے بھی کرچکا ہے۔