اسلام آبا د(نیوز ڈیسک) پاکستان پیپلز پارٹی کے رہنما اور وفاقی وزیر خورشید احمد شاہ نے کہا ہے کہ ملک آئینی بحران کی لپیٹ میں ہے،فل کورٹ کے ذریعے کوئی راستہ نکالا جائے ورنہ پچھتاوا ہوگا، ہم بند گلی میں پہنچ چکے ہیں وقت بہت کم ہے۔تفصیلات کے مطابق وفاقی وزیر خورشید احمد شاہ نے اپنے ایک بیان میں کہا کہ ملک آئینی بحران کی لپیٹ میں ہے ، سیاسی بحران پیچھے رہ گیا ، آئینی و سیاسی بحران کے حل کیلئے کوئی ادارہ نہیں بچا۔ انہوں نے کہا کہ فل کورٹ کے ذریعے عدلیہ آئینی بحران سے نکلنے کی راہ تلاش کریں، آئینی و سیاسی معاملات بند گلی میں چلے جائیں گے ، اگر کچھ غلط ہوا تو اہم ادارے ذمے دار ہوں گے۔ انہوں نے کہا کہ عمران خان کو مسلط کرنا ہی ملک کو درپیش خرابی کی اصل بنیاد ہے، ضد اور انا نے ملک کو اس دلدل تک پہنچا دیا ہے ۔ انہوں نے کہا کہ فل کورٹ کے ذریعے اس معاملے کا کوئی راستہ نکالا جائے ورنہ صرف پچھتاوا ہوگا۔