اسلام آباد(نیوزڈیسک) وفاقی ادارے ایف بی آرنے رواں مالی سال کے ابتدائی 9 ماہ میں مجموعی ٹیکس وصولیاں ہداف کے حوالے سے خطرے کی نشاندہی کرتے ہوئے 304 ارب روپے کم رہنے کا انکشاف کیا ہے۔ایف بی آر ذرائع کا کہنا ہے کہ مالی سال23-2022کے پہلے 9 ماہ میں مجموعی طور پر5156 ارب روپے کی وصولیاں ہوئیں۔ یہ رقم مالی سال22-2021کے اسی عرصے میں حاصل کردہ 4375ارب روپے کی ٹیکس وصولیوں کے مقابلے میں780.4 ارب روپےزیادہ ہے ۔ تاہم رواں مالی سال کے پہلے 9ماہ کیلئے مقررہ 5460ارب روپے کی ٹیکس وصولیوں کے نظرثانی ہداف کے مقابلے میں304 ارب روپے سے بھی کم رہیں۔ذرائع کا کہنا ہے کہ مارچ میں ایف بی آر کی عبوری ٹیکس وصولیاں 663 ارب روپے رہی ہیں، جب کہ آئی ایم ایف کے ساتھ طے شرائط کے تحت نئے ٹیکس لاگو کرنے کے بعد اس مہینے کے لیے نظرثانی شدہ ہدف 720 ارب روپے مقرر کیا گیا تھا۔