اسلام آباد (نیوز ڈیسک) بین الاقوامی منڈی میں خام تیل کی قیمتوں میں کمی کا سلسلہ جاری ،برینٹ کروڈ آئل کی قیمت میں ایک عشاریہ 10 ڈالر کمی کے بعد 79 عشاریہ 88 ڈالر فی بیرل پر آگیا ہے، جبکہ امریکی خام تیل ایک عشاریہ 15 ڈالر کم ہونے کے بعد 73 عشاریہ 94 ڈالر فی بیرل ہوگیا ہے۔حکومت کی جانب سے روسی خام تیل کے ٹیسٹ کارگوز منگوانے کا فیصلہ کیا گیا ہے۔اس حوالے سے وزارت پیٹرولیم کا کہنا ہے کہ دیکھنا چاہتے ہیں کہ روسی خام تیل سے پیٹرول، ڈیزل اور فرنس آئل کتنی مقدار میں نکلتا ہے،روسی ٹیم کی موجودگی میں خام تیل کو ریفائن کیا جائے گا اور ٹیسٹنگ کے بعد مارچ کے آخر میں روس سے تیل خریداری کے معاہدے کا امکان ہے۔