اہم خبریں

مفت علاج کی فراہمی ریاست کی ذمہ داری ،شہری نے پنجاب میں صحت کارڈ بند کرنے کا اقدام لاہور ہائیکورٹ میں چیلنج کر دیا

لاہور(نیوز ڈیسک) مفت علاج کی فراہمی ریاست کی ذمہ داری ،شہری نے پنجاب میں صحت کارڈ بند کرنے کا اقدام لاہور ہائیکورٹ میں چیلنج کر دیا۔ تفصیلات کے مطابق لاہور ہائیکورٹ میں شہری محمد اعجاز خان نے درخواست دائر کی جس میں حکومت پنجاب، سیکرٹری صحت سمیت دیگر کو فریق بنایا گیا ہے۔ میں یہ مؤقف اختیار کیا گیا کہ حکومت پنجاب نے صوبے بھر میں غریب مریضوں کو مفت علاج کی سہولت دی،غریب مریضوں کو مفت علاج کے لئے صحت کارڈ جاری کیے گئے، پرائیویٹ اور سرکاری اسپتالوں میں صحت کارڈ پر مفت علاج کیا جاتا ہے، تحریک انصاف کی حکومت ختم ہوئی تو اسپتالوں میں صحت کارڈ پر مفت علاج بند کر دیا گیا، مفت علاج اور تعلیم کی سہولیات فراہم کرنا ریاست کی ذمہ داری ہے۔درخواست میں استدعا کی گئی ہے کہ عدالت حکومت پنجاب کو صحت کارڈ پر مفت علاج فراہم کرنے کا حکم دے۔

متعلقہ خبریں