لاہور(نیوز ڈیسک)کاؤنٹر ٹیررزم ڈیپارمنٹ (سی ٹی ڈی) نے لاہور سمیت 3 شہروں میں کارروائی کرتے ہوئے 12 دہشت گردوں کو گرفتار کرلیا۔تفصیلات کے مطابق دہشت گردی کے خدشات کے پیش نظر سی ٹی ڈی نے لاہور سمیت 3 شہروں میں بڑی کارروائی کرتے ہوئے 12 دہشت گرد گرفتار کرلیا۔ تفصیلات کے مطابق دہشت گردوں کی نشاندہی 61 مشتبہ افراد سے تفتیش کے دوران کی گئی، لاہور سے 3 دہشت گردوں کو حساس علاقے کے قریب سے گرفتار کیا گیا، دہشت گردوں کا تعلق کالعدم القاعدہ اور ٹی ٹی پی سے ہے،دہشت گردوں سے بارودی مواد اور خودکش جیکٹ بنانے کا سامان برآمد ہوا ہے، دہشت گردوں کے نیٹ ورک حساس اضلاع میں تخریب کاری کرنا چاہتے تھے،گرفتار دہشت گردوں کے خلاف مقدمات درج کرکے تفتیش جاری ہے واضح رہے کہ رواں ہفتے 797 کومبنگ اور سرچ آپریشن کیے گئے جس میں 159 مشتبہ افراد کو گرفتار کیا گیا۔