لاہور(نیوز ڈیسک) لاہور ہائیکورٹ نے مسلم لیگ (ن) کی سینئر نائب صدر مریم نواز کے خلاف توہین عدالت کی درخواست پر فیصلہ محفوظ کر لیا۔تفصیلات کے مطابق لاہور ہائیکورٹ کے جسٹس شجاعت علی خان نے مریم نواز کیخلاف دائر توہین عدالت کی درخواست پر سماعت کی جس پر عدالت نے فیصلہ محفوظ کرلیا۔درخواست گزار ایڈووکیٹ شاہد رانا نے مؤقف اختیار کیا کہ مریم نواز نے سرگودھا میں تقریر کی اور یہ معاملہ اس عدالت کے دائرہ اختیار میں آتا ہے ، مریم نواز نے چھ موقعوں پر توہین عدالت کی ہے ،یہ درخواست میں نے اپنی مشہوری کے لیے دائر نہیں کی ، مجھے مشہوری کی ضرورت بھی نہیں ہے، ہمیں توہین عدالت کے قانون پر عملدرآمد کروانا ہوگا، عدالت مریم نواز کو توہین عدالت کا شوکاز نوٹس جاری کرے ۔
