بیجنگ(نیوزڈیسک) چین میں کرونا کا نیا سلسلہ شروع، ایک ہفتے کے دوران اومی کرون ویریئنٹ نے مزید 7 افراد کی جان لے لی۔چینی طبی حکام کے مطابق چین میں 17 سے 23 فروری کے دوران اسپتالوں میں کورونا سے7 اموات رپورٹ ہوئی ہیں۔حکام کے مطابق چین میں دسمبر سے رپورٹ ہونے والے تمام کورونا کیسز اومی کرون ویریئنٹ کے ہیں جب کہ کورونا کیسز میں 60 فیصد بی اے 5 اعشاریہ2 اعشاریہ 48 اور 29 فیصد بی ایف 7 اعشاریہ 14 قسم کے رپورٹ ہوئے ہیں۔حکام کی جانب سے مزید بتایا گیا کہ چین میں شناخت کورونا کے ایکس بی بی اعشاریہ 1 اور ایکس بی بی 1 اعشاریہ 5سمیت 22 ویریئنٹ تشویش کاباعث ہیں۔