تامل ناڈو(اے بی این نیوز)بھارتی ریاست تامل ناڈو کی حکومت نے سرکاری اسپتالوں میں پیدا ہونے والے بچوں کو سونے کی انگوٹھی بطور تحفہ دینے کی اسکیم کا اعلان کیا ہے، جسے عوامی سطح پر ایک منفرد اقدام قرار دیا جا رہا ہے۔
بھارتی میڈیا کے مطابق تامل ناڈو کے وزیر اعلیٰ وجے نے نومولود بچوں کے لیے ’تھائی ممن گولڈ رنگ اسکیم‘ شروع کرنے کا اعلان کیا ہے۔
اس اسکیم کے تحت ریاست کے سرکاری اسپتالوں میں پیدا ہونے والے بچوں کو ایک گرام وزنی سونے کی انگوٹھی تحفے کے طور پر دی جائے گی۔
رپورٹس کے مطابق حکومت نے اس منصوبے کے لیے سالانہ 755.83 کروڑ بھارتی روپے مختص کرنے کا فیصلہ کیا ہے، تاکہ زیادہ سے زیادہ خاندان اس سہولت سے فائدہ اٹھا سکیں۔
میڈیا رپورٹس کے مطابق وزیر اعلیٰ وجے کی سالگرہ کے موقع پر رواں ماہ 22 تاریخ کو سرکاری اسپتالوں میں پیدا ہونے والے بچے اس اسکیم کے ابتدائی مستحق ہوں گے، جبکہ اسکیم کا باقاعدہ آغاز 15 ستمبر سے کیا جائے گا۔
حکام کے مطابق اس اقدام کا مقصد نومولود بچوں اور ان کے خاندانوں کے لیے خوشی کا اظہار کرنے کے ساتھ ساتھ سرکاری اسپتالوں میں زچگی کی سہولیات کی حوصلہ افزائی کرنا ہے۔
Newborns in Tamil Nadu Govt Hospitals Will Now Get 1-Gram Gold Rings
Tamil Nadu Chief Minister Vijay is set to launch the 'Thai Maman Gold Ring Scheme', under which a one-gram gold ring will be gifted to every child born in Govt hospitals across the state.
The Tamil Nadu Govt… pic.twitter.com/lQ1M3DVY8h
— The QNS 24×7 (@Qns24x7) June 26, 2026
تامل ناڈو حکومت کے اس اعلان پر سوشل میڈیا پر بھی مختلف ردعمل سامنے آ رہے ہیں، جہاں کچھ افراد نے اسے خوش آئند اقدام قرار دیا ہے جبکہ بعض نے اس کے مالی اثرات پر سوالات اٹھائے ہیں۔
مزید پڑھیں: پی ٹی اے کا موبائل فون خریدنے والوں کیلئے اہم پیغام جاری
