لاہور(اے بی این نیوز) پنجاب حکومت نے سال نو کے آغاز پر 9 سرکاری محکمے ختم کر کے محکمہ فوڈ سیفٹی اینڈ کنزیومر پروٹیکشن میں ضم کر دیے ہیں، جس کا باضابطہ نوٹی فکیشن جاری کر دیا گیا۔

محکمہ سروس اینڈ جنرل ایڈمنسٹریشن کے نوٹی فکیشن کے مطابق ان محکموں کو فوڈ سیفٹی اینڈ کنزیومر پروٹیکشن کے ماتحت کیا گیا ہے اور یہ محکمہ فوری طور پر فعال ہوگا۔ ان تمام محکموں کا ایک سیکرٹری اور ڈی جی ہوگا۔

ضم کیے گئے محکموں میں انفورسمنٹ پرائس اینڈ کنٹرول، فوڈ کین کمشنر، ایگریکلچر اکنامک مارکیٹنگ، انسٹی ٹیوٹ آف ایگریکلچر مارکیٹنگ، کنزیومر پروٹیکشن کونسل، پنجاب سہولت بازار اتھارٹی، پنجاب حلال ڈویلپمنٹ ایجنسی اور پنجاب فوڈ اتھارٹی شامل ہیں۔

حکومت نے یہ اقدام بچت پروگرام کے تحت کیا ہے جس میں اضافی افسران کو بھی تبدیل کیا جائے گا۔

مزید پڑھیں۔پاکستان میں مقامی سطح پر موبائل فونز کی تیاری کے حوالے سے پالیسی تیار کر لی گئی