اسلام آباد(اے بی این نیوز)اسلام آباد کی ڈسٹرکٹ اینڈ سیشن کورٹ نے سابق وزیر اعظم آزاد کشمیر سردار تنویر الیاس کے خلاف ڈپلومیٹک پاسپورٹ کیس میں وارنٹ گرفتاری جاری کر دیے ہیں۔
جوڈیشل مجسٹریٹ احمد شہزاد گوندل نے کیس کی سماعت کی اور سردار تنویر الیاس کو گرفتار کر کے عدالت میں پیش کرنے کا حکم دیا۔ سردار تنویر الیاس کی جانب سے حاضری سے استثنا کی درخواست دائر کی گئی تھی، جسے عدالت نے مسترد کر دیا۔
عدالت نے کیس کی مزید سماعت 24 نومبر تک ملتوی کرتے ہوئے ایف آئی اے کو بھی ہدایت کی کہ وہ اس حوالے سے تمام کارروائیاں مکمل کرے۔
واضح رہے کہ سردار تنویر الیاس کے خلاف ایف آئی اے نے ڈپلومیٹک پاسپورٹ کیس میں مقدمہ درج کر رکھا ہے۔
مزید پڑھیں۔خیبرپختونخوا میں اپریل تک انفلوئنزا وائرس پھیلنےکا خطرہ، ہنگامی ایڈوائزری جاری
