اسلام آباد(اے بی این نیوز)جمعرات کے روز شمال مشرقی پنجاب، کشمیرمیں کہیں کہیں جبکہ بالائی خیبر پختونخوا اور گلگت بلتستان میں چند مقامات پر تیز ہواؤں اور گرج چمک کے ساتھ بارش کاامکان۔ اس دوران شمال مشر قی پنجاب اور کشمیر میں چند مقامات پر مو سلا دھار بارش بھی ہو سکتی ہے۔ ملک کے دیگر علاقوں میں موسم گرم اور مر طوب رہنے کا امکان۔
جمعه کے روز ملک کے بیشتربالائی علاقوں میں موسم گرم اور خشک جبکہ جنوبی اضلاع میں مرطوب رہنے کی توقع۔ تاہم شمال مشرقی پنجاب، کشمیر، بالائی خیبر پختونخوا اورگلگت بلتستان میں چند مقامات پر گرج چمک کے ساتھ بارش کاامکان۔
گذشتہ 24 گھنٹے کا موسم شمال مشرقی پنجاب،اسلام آباد،مری،بالائی خیبر پختونخوا، کشمیر اور گلگت بلتستان تیز ہواؤں اور گرج چمک کے ساتھ بارش جبکہ شمال مشرقی پنجاب میں چند مقا مات پر موسلادھار بارش ہوئی ۔ ملک کے دیگر علاقوں میں موسم گرم اور مرطوب رہا۔
سب سے زیادہ بارش (ملی میٹر): پنجاب: سیالکوٹ (ایئر پورٹ148،سٹی141)، نارووال 81،گوجرانوالہ 67 ، گجرات 59 ، لاہور(ایئر پورٹ 13، سٹی 07)، مری 12 منگلا 04، شیخوپورہ 03، منڈی بہاؤ الد ین، 02، ، راولپنڈی (نیو کٹاریاں) ،حافظ آباد01، خیبرپختونخوا:کاکول 29 ، مالم جبہ13، بالاکوٹ02،کشمیر: کوٹلی 11، راولاکوٹ 01 ، بلو چستان : بارکھان 02 ، گلگت بلتستان: اسکردو 06 ، بو نجی 01 ملی میٹر بارش ریکارڈ ہوئی۔
آج ریکارڈکئے گئے زیادہ سےزیادہ درجہ حرارت: دادو اور نوکنڈی میں 42ڈگری سینٹی گریڈ ریکارڈ کیا گیا ۔
جمعرات(رات): اسلام آباد اور گردونواح میں مطلع جزوی ابرآلود رہنے کے علاوہ تیز ہواؤں / گرج چمک کے ساتھ بارش کا امکان ۔
جمعرات کے روز : اسلام آباد اور گردونواح میں مطلع جزوی ابرآلود رہنے کے علاوہ بعد از دوپہر تیز ہواؤں / گرج چمک کے ساتھ بارش ہو سکتی ہے۔
مزید پڑھیں: کرکٹر حیدر علی سرخرو ہو گئے،کیس بند
