اسلام آباد(اے بی این نیوز)سیلاب متاثرہ علاقوں میں بجلی کی بحالی پر پاور ڈویژن کی رپورٹ جاری کردی گئی ،تفصیلات کےمطابق پیسکو کے علاقے سوات، بنر، شانگلہ، صوابی اور ڈی آئی خان کے 12 گرڈز اور 91 فیڈرز متاثر ہوئے، رپورٹ میں کہا گیاکہ پیسکو کے 85 فیڈرز مکمل اور 6 جزوی طور پر بحال جبکہ گیپکوکے کے 10 گرڈز اور 87 متاثرہ فیڈرز میں سے 82 فیڈرز مکمل اور 5 جزوی طور پر بحال۔
پاور ڈویژن کی رپورٹ کے مطابق لیسکو میں لاہور، اوکاڑہ، شيخوپورہ، قصور اور ننکانہ کے 62 متاثرہ فیڈرز میں سے 43 جزوی طور پر بحال، مکمل بحالی 2 ستمبر سے 5 ستمبر تک متوقع۔
پاور ڈویژن کی رپورٹ کےمطابق فیسکو کے زیرِ انتظام علاقوں ٹی ٹی سنگھ، فیصل آباد ، چنیوٹ، جھنگ، سرگودھا، میانوالی اور ڈی آئی خان کے 26 گرڈ اور 76 فیڈرز متاثر ہوئے، فیسکو کے متاثرہ فیڈرز میں سے 72 فیڈر عارضی طور پر بحال، میپکو کے زیرِ انتظام علاقوں میں 126 متاثرہ فیڈرز عارضی طورپر بحال کردیئے گئے ۔
جبکہ میپکو کے زیرِ انتظام علاقوں میں پانی اترتے ہی متاثرہ فیڈرز کی مکمل بحالی کا کام شروع ہو جائے گا،ٹیسکو کے علاقے شمالی وزیرستان اور خیبر کے 10 فیڈرز متاثر ہوئے
ٹیسکو کا 1 فیڈر مکمل اور 4 فیڈر عارضی طور پر بحال کردیئے گئے۔
پاور ڈویژن کی رپورٹ کےمطابق ہیزیکو کے زیرِ انتظام علاقے مانسہرہ کے 3 متاثرہ فیڈر میں سے 2 مکمل طور پر بحال، یوں مجموعی طور پر 48 گرڈ اور 455 متاثرہ فیڈرز میں سے 170 کو مکمل اور 256 کو عارضی طور پر بحال کر دیا گیا ہے پاور ڈویژن نے کہا ہے کہ متاثرہ علاقوں میں بجلی کی مکمل بحالی ترجیح ہے۔
مزید پڑھیں۔حکومت کے آئی ایم ایف مطالبات پر شدید تحفظات، تحریری چیلنج پر غور
