اسلام آباد (اے بی این نیوز)پاکستان میں 10 برسوں کے دوران 26 ہزار تولے سے زائد سمگل شدہ سونا ضبط کیا گیا۔ ضبط کیے گئے سونے کی مالیت نو ارب 45 کروڑ روپے بنتی ہے۔
سمگل شدہ سونا پاکستان کسٹمز کی جانب سے ضبط کیا گیا ۔

اے بی این نیوز کی حاصل کردہ دستاویزات میں تفصیلات سامنے آگئیں۔ 2014-15 کے دوران 9 کیسز میں 3500 تولہ سونا ضبط کیا گیا۔ 2015-16 میں 5 کیسز رجسٹر کر کے 1114 تولے سونا برآمد کیا گیا ۔
2016-17 میں 10 کیسز میں 3,469.34 تولہ سونا ضبط کیا گیا ۔ 2017-18 میں 5,017.16 تولہ سونا قبضے میں لے کر 53 مقدمات درج کئے گئے۔ 2018-19 میں 1680 تولہ اور 2019-20 میں 905 تولے سونا ضبط کیا گیا۔
2020-21 میں 4152 تولے کے زیورات ضبط کر کے 62 مقدمات درج کیے گئے ۔ 2021-22 میں 2860 تولے اور 2022-23 میں 1038 تولے سونا پکڑا گیا۔
محکمہ کسٹم نے 2023-24 میں 1077 تولہ اور 2024-25 میں 1205 تولہ سونا ضبط کیا۔
10 برس کے دوران 387 مقدمات درج کر کے 303.60 کلوگرام سونا قبضے میں لیا گیا۔

مزید پڑھیں :سکالر شپ کا اعلان ،جا نئےکون حقدار ہے اور کتنے طلبا کو ملے گا