ڈھاکہ (اے بی این نیوز)بنگلہ دیش کے دارالحکومت ڈھاکہ سے بڑی خبرآگئی ، موجودہ بنگلہ دیشی حکومت نے سابق بنگلہ دیشی وزیراعظم شیخ حسینہ واجد کے خلاف مظالم اور سنگین جرائم کے الزامات پر بین الاقوامی سطح پر گھیراؤ کی تیاری شروع کردی ، نیشنل سینٹرل بیورو نے انٹرپول کو ریڈ نوٹس جاری کرنے کی باقاعدہ درخواست دے دی ۔
ذرائع کے مطابق انٹرنیشنل کرائمز ٹریبونل کی جانب سے دی گئی درخواست پر بنگلہ دیشی پولیس نے انٹرپول سے رابطہ کیا ہے، جس میں شیخ حسینہ سمیت 12 افراد کو ”مفرور“ قرار دے کر ان کی بین الاقوامی سطح پر گرفتاری کے لیے کارروائی کا مطالبہ کیا گیا ہے۔
انٹرنیشنل کرائمز ٹریبونل کے چیف پراسیکیوٹر نے نومبر میں انٹرپول سے اس حوالے سے مدد مانگی تھی۔ بنگلہ دیشی پولیس کا کہنا ہے کہ ریڈ نوٹس کی درخواست عدالتی احکامات اور ٹھوس شواہد کی بنیاد پر دی گئی ہے جس کا مقصد ان افراد کو عالمی سطح پر انصاف کے کٹہرے میں لانا ہے۔
ریڈ نوٹس جاری ہونے کی صورت میں شیخ حسینہ سمیت تمام 12 مفرور ملزمان کی بین الاقوامی سطح پر تلاش اور گرفتاری کی کوششیں تیز ہو جائیں گی۔ اطلاعات کے مطابق شیخ حسینہ کو بھارت نے پناہ دی ہوئی ہے۔
ڈونلڈٹرمپ کی مرکزی بینک کے سربراہ پر تنقید، امریکی ڈالر اور اسٹاک مارکیٹیں کریش کرگئیں
