اسلام آباد ( اے بی این نیوز ) پاکستان سیٹلائٹ انٹرنیٹ کی دنیا میں قدم رکھنے کیلئے تیار۔ سٹار لنک کے پاکستان میں آپریشنز کے حوالے سے بڑی پیشرفت ۔ پاکستان سپیس ایکٹیوٹیز ریگولیٹری بورڈ نے سٹار لنک کو این او سی جاری کردیا۔
سٹار لنک نے سپیس ریگولیٹری بورڈ کے تمام تقاضے پورے کرلئے۔ وزارت داخلہ کی کلیئرنس کے بعد سپیس ریگولیٹری بورڈ نے این او سی جاری کیا۔ پی ٹی اے آئندہ دو ہفتوں میں سٹار لنک کو لائنس جاری کردے گا، ذرائع کے مطابق سٹار لنک پہلے ہی پی ٹی اے میں لائسنس کیلئے درخواست دے چکا ہے۔
سٹار لنک پی ٹی اے میں ٹیکنیکل اور بزنس پلان جمع کرا چکا ہے ۔ سٹار لنک نے پاکستان میں رجسٹریشن کے حوالے سے تین مراحل مکمل کرلئے ۔ کمپنی نے ایس ای سی پی، اور پاکستان سافٹ وئیر ایکسپورٹ بورڈ سے رجسٹریشن حاصل کرلی ۔
کمپنی نے پاکستان سپیس ایکٹیوٹیز ریگولیٹری بورڈ سے بھی رجسٹریشن حاصل کرلی ۔ آخری مرحلہ پاکستان ٹیلی کمیونیکیشن اتھارٹی سے رجسٹریشن حاصل کرنا ہے۔ پی ٹی اے کی جانب سے لائسنس کے اجرا کے بعد کمپنی سروسز کا آغاز کرسکے گی ۔
پی ٹی اے سٹار لنک کی جمع کرائی گئی دستاویزات کا جائزہ لے رہا ہے۔ سٹار لنک کی سروسز موجودہ نیٹ ورک میں کسی قسم کا خلل پیدا نہیں کریں گی۔ پاکستان نے 2023 میں نیشنل سیٹلائٹ پالیسی متعارف کروائی ۔
2024 میں پاکستان اسپیس کمنیوکیشن کو مضبوط بنانے کیلئے اسپیس ایکٹیویٹیز رولز متعارف کرائے گئے۔
مزید پڑھیں :ٹرمپ انتظامیہ اور افغانستان کی حکومت کے درمیان پہلا باضابطہ رابطہ
