اسلام آباد(اے بی این نیوز)اسلام آباد ٹریفک پولیس نے 24 اور 25 اکتوبر 2026 کو اہم سڑکیں بند رکھنے اور ٹریفک کا رخ تبدیل کرنے کا اعلان کیا ہے۔ راول ڈیم چوک سے کشمیر چوک اور سیرینا ہوٹل سے کشمیر چوک تک کے راستے مکمل طور پر بند رہیں گے۔ شہریوں کو مشورہ دیا گیا ہے کہ وہ متبادل راستے اختیار کریں اور سفر کے لیے 20 سے 25 منٹ کا اضافی وقت لے کر نکلیں۔
پولیس نے اسلام آباد، راولپنڈی، بھارہ کہو اور مری کے درمیان سفر کرنے والوں کے لیے متبادل راستے جاری کیے ہیں تاکہ انہیں ٹریفک کے رش سے بچایا جا سکے۔
اسلام آباد ٹریفک پولیس/ڈائیورشن پلان
مورخہ 24 اور 25 اکتوبر 2026 راول ڈیم چوک تا کشمیر چوک, اسی طرح سرینہ سے کشمیر چوک مکمل روڈ بند ہوگا۔
عوام الناس سے گزارش ہے کہ کسی بھی دقت سے بچنے کے لیے متبادل راستے استعمال کریں۔
ڈائیورشن پلان
جی فائیو، سیکریٹریٹ، سرینہ ہوٹل سے راولپنڈی جانے والے حضرت سِری نگر ہائی وے، نائنتھ ایونیو استعمال کریں۔
جی فائیو، سیکریٹریٹ، سرینہ ہوٹل سے راولپنڈی جانے والے حضرات سِری نگر ہائی وے، مہرآباد پشاور روڈ استعمال کریں۔
یاپھر لیک ویو یوٹرن سے واپس مری روڈ یا کلب روڈ استعمال کر سکتے ہیں۔
راول ڈیم چوک، پارک روڈ، لہتراڑ روڈ جانے والے حضرات سری نگر ہائی وے، 7th ایونیو، شکرپڑیاں روڈ، ٹیولپ ہوٹل، راول ڈیم روڈ استعمال کریں۔
مری اور بہارہ کہو جانے والے حضرات براستہ فیض آباد فیصل ایونیو، زیرو پوائنٹ، سری نگر ہائی وے اندر پاس جناح سکوائر سے کونڑایاں والا چوک سے بہارہ کہو مری جا سکیں گے۔
راولپنڈی سے اسلام آباد آنے والے حضرات 9th ایونیو، فقیر ایپی روڈ، سری نگر ہائی وے استعمال کریں۔
پارک روڈ، لہتراڑ روڈ سے اسلام آباد آنے والے حضرت ٹیولپ ہوٹل روڈ، گارڈن ایونیو، شکرپڑیاں روڈ، 7th ایونیو استعمال کریں۔
ڈائیورشنز کے دوران شاہراوں پر ٹریفک کا روانی میں خلل آئے گا۔شہری سفر کے لئے 20 سے 25 منٹ اضافی وقت کے ساتھ نکلیں۔
اسلام آباد ٹریفک پولیس کے افسران شہریوں کی سہولت کے لئے موجود ہیں۔ سی ٹی او
مزید ٹریفک اپڈیٹس آئی ٹی پی FM 92.4 پر بھی عوام الناس کی رہنمائی کے لیے جاری کی جائیں گی۔
مزید معلومات کے لئے اسلام آباد پولیس کے سوشل میڈیا پیجز فالو کریں۔
#WeRIslamabadPolice #TrafficUpdate
— Islamabad Police (@ICT_Police) October 24, 2026
راولپنڈی سے اسلام آباد آنے والے شہری نائنتھ ایونیو، فقیر ایپی روڈ اور سری نگر ہائی وے استعمال کر سکتے ہیں۔ بھارہ کہو اور مری کی جانب جانے والے افراد فیض آباد، فیصل ایونیو، زیرو پوائنٹ، جناح اسکوائر اور کوریاں والا چوک کے راستے سفر کر سکتے ہیں۔
پارک روڈ اور لہتراڑ روڈ سے آنے والے ڈرائیور اپنی منزل کے لحاظ سے سری نگر ہائی وے، سیونتھ ایونیو، شکر پڑیاں روڈ اور ٹیولپ ہوٹل روڈ کا استعمال کر سکتے ہیں۔
سڑکوں کی بندش کے دوران شہریوں کی رہنمائی کے لیے ٹریفک اہلکار تعینات ہوں گے۔ شہری تازہ ترین صورتحال سے آگاہ رہنے کے لیے اسلام آباد ٹریفک پولیس کے ایف ایم 92.4 (FM 92.4) اور اسلام آباد پولیس کے آفیشل سوشل میڈیا پیجز سے رجوع کر سکتے ہیں۔
مزیدپڑھیں: ہونڈا موٹر سائیکلیں آسان اقساط پر حاصل کریں
