اسلام آباد ( اے بی این نیوز )انسداد دہشتگردی عدالت نے پی ٹی آئی کے سنگجانی جلسہ اور توڑ پھوڑ کے مقدمات میں سابق سپیکر قومی اسمبلی اسد قیصر کی عبوری ضمانت میں 15 اپریل تک توسیع کر دی ہے۔
عدالت میں سماعت کے دوران انسداد دہشتگردی عدالت کے جج ابوالحسنات ذوالقرنین نے اسد قیصر کی ضمانت کی درخواست پر سماعت کی۔ اس موقع پر اسد قیصر کی وکیل عائشہ خالد عدالت میں پیش ہوئیں۔ سماعت کے دوران سابق سپیکر اسد قیصر کی جانب سے حاضری معافی کی درخواست بھی دائر کی گئی، جسے عدالت نے منظور کر لیا۔
اس کے بعد عدالت نے اسد قیصر کی عبوری ضمانت میں 15 اپریل تک توسیع کرتے ہوئے درخواست پر مزید سماعت 15 اپریل تک ملتوی کر دی اور اس سلسلے میں مزید دلائل طلب کیے۔
