باکو (نیوز ڈیسک )ازبکستان نے 7 بلیک ہاک ہیلی کاپٹر امریکا کو واپس کر دیے، جو افغان فوج کے پائلٹس نے 2021 میں طالبان سے بچاکر وسطی ایشیائی ریاست تک پہنچا دیے تھے۔
ڈان اخبار میں شائع فرانسیسی خبر رساں ادارے اے ایف پی کی رپورٹ کے مطابق کابل نے مطالبہ کیا تھا کہ ہیلی کاپٹر افغانستان واپس بھیجے جائیں، جب کہ امریکی صدر ڈونلڈ ٹرمپ نے طالبان پر زور دیا کہ وہ امریکی ہتھیار واشنگٹن کو واپس کریں۔امریکا نے 11 ستمبر 2001 کے حملوں کے بعد طالبان حکومت پر حملہ کرکے اس کا تختہ الٹنے کے بعد 2 دہائیوں تک افغان فوج پر اربوں ڈالر کی سرمایہ کاری کی تھی۔
تاشقند میں امریکی سفارت خانے کے ذرائع نے بتایا کہ ہم نے ان 7 ہیلی کاپٹروں کو حاصل کرلیا ہے۔وائس آف امریکا نے پینٹاگون حکام کے حوالے سے کہا تھا کہ واشنگٹن نے حالیہ دنوں میں سروس سے باہر کے ہیلی کاپٹروں کو بازیاب کرایا ہے، جن میں طالبان کی پیش قدمی سے فرار ہونے والے افغان فوج کے پائلٹوں نے 2021 میں ازبکستان کے لیے اڑان بھری تھی۔
وسطی ایشیائی ریاست کے جنوب میں افغانستان کے ساتھ ایک مختصر سرحد ہے۔وسطی ایشیائی ملک میں معلومات کو سختی سے کنٹرول کیا جاتا ہے۔
مزید پڑھیں: عدالت نے 31 مقدمات میں شامل تفتیش ہونے کے لئے بشریٰ بی بی کی درخواست قبول کرلی
