جوہانسبرگ (نیوز ڈیسک) پاکستان اور جنوبی افریقہ کے درمیان تیسرا ایک روزہ میچ آج کھیلا جائے گا۔ جوہانسبرگ میں بارش کے باعث قومی کرکٹرز نے گزشتہ روز ان ڈور ٹریننگ سیشن میں شرکت کی۔

کھلاڑیوں نے بیٹنگ اور باؤلنگ کی پریکٹس کی جبکہ اسپنرز نے بھی نیٹ سیشن کیا۔ گرین شرٹس کو تین میچوں کی سیریز میں 0-2 کی فیصلہ کن برتری حاصل ہے۔ واضح رہے کہ ٹی ٹوئنٹی سیریز میں ناکامی کے بعد قومی ٹیم نے جنوبی افریقہ کو ون ڈے سیریز میں شکست دی تھی۔

رضوان الیون نے پہلا ون ڈے دلچسپ مقابلے کے بعد 3 وکٹوں سے جیتا جب کہ دوسرا میچ یکطرفہ رہا جس میں قومی ٹیم نے 81 رنز سے کامیابی حاصل کی۔ دونوں ٹیموں کے درمیان تیسرا میچ پاکستانی وقت کے مطابق شام 5 بجے شروع ہوگا۔
مزید پڑھیں: پاکستان اور جنوبی افریقہ کے درمیان آج تیسرا ایک روزہ میچ کھیلا جائےگا