سڈنی (نیوز ڈیسک) سڈنی میں کھیلے جا رہے میچ میں آسٹریلیا کے کپتان نے ٹاس جیت کر پہلے بیٹنگ کا فیصلہ کیا۔ دوسرے ٹی ٹوئنٹی میچ کے لیے آسٹریلوی ٹیم میں کوئی تبدیلی نہیں کی گئی ہے۔

پاکستانی ٹیم میں ایک تبدیلی کی گئی ہے اور حسیب اللہ کی جگہ سفیان مقیم کو ٹیم میں شامل کیا گیا ہے۔ ٹیم میں کپتان محمد رضوان، بابر اعظم، صاحبزادہ فرحان، عثمان خان شامل ہیں۔

سلمان آغا، عرفان خان، عباس آفریدی، شاہین شاہ، حارث رؤف بھی پلیئنگ الیون کا حصہ ہیں۔ ان کے علاوہ نسیم شاہ اور سفیان مقیم بھی 11 کھلاڑیوں میں شامل ہیں۔ یاد رہے کہ بارش سے متاثرہ پہلے ٹی ٹوئنٹی میچ میں آسٹریلیا نے پاکستان کو 31 رنز سے شکست دی تھی۔ آسٹریلیا کو تین میچوں کی ٹی ٹوئنٹی سیریز میں ایک صفر کی برتری حاصل ہے۔
مزید پڑھیں: سابق ہیوی ویٹ باکسر مائیک ٹائسن کو شکست، 19 سال بعد رنگ میں واپسی ہوئی