اسلام آباد ( اے بی این نیوز )بانی پی ٹی آئی کی اڈیالہ جیل میں وکلا سے ملاقاتوں میں رکاوٹوں کے خلاف کیس کے حوالے سے
جسٹس سردار اعجاز اسحاق خان نے گزشتہ سماعت کا تحریری حکمنامہ جاری کر دیا۔
بانی پی ٹی آئی کی ملاقاتوں میں رکاوٹیں ڈالنے پر ایڈووکیٹ جنرل اور سپرنٹنڈنٹ اڈیالہ جیل کو وارننگ دیدی گئی۔ عدالت نے حکم نامہ جاری کرتے ہو ئے کہا کہ بانی پی ٹی آئی کی وکلاسے مشاورت کے حق میں رکاوٹوں کو برداشت نہیں کیا جائے گا،
دوبارہ ایسا واقعہ رپورٹ ہوا تو عدالت فوری توہین عدالت کی کارروائی شروع کرےگی۔دوبارہ ایسے واقعے کی صورت میں آج کے آرڈر کو ہی توہین عدالت کا نوٹس قرار دیا جائے گا۔
سپرنٹنڈنٹ جیل نے بانی پی ٹی آئی کی جیل ملاقاتوں کی فہرست جمع کرائی۔
عدالت کو بتایا گیا کہ بانی پی ٹی آئی کی وکلا سے ملاقاتوں میں رکاوٹیں ڈالی جاتی ہیں۔عدالت کو بتایا گیا کہ وکلاء کو جیل پہنچنے کیلئے میلوں پیدل چلنا پڑتا ہے۔ملاقات کے درمیان شیشے کی رکاوٹ اور گفتگو سُننے کیلئے پولیس اہلکار کھڑے کرنے سے متعلق بتایا گیا۔
عدالت نے بانی پی ٹی آئی کی وکلا سے ملاقات میں رکاوٹوں پر حیرت کا اظہار کیا۔عدالت جیل حکام کے ایس او پیز پر عملدرآمد کے موقف سے اتفاق کرتی ہے۔وکلا اور دیگر ملاقات کرنے والوں کی ملاقاتوں کو تبدیل نہیں کیا جانا چاہیے۔
بانی پی ٹی آئی کے وکیل نے ملاقاتوں کی فہرست دیکھنے کیلئے وقت مانگا۔کیس کی سماعت 13 ستمبر تک ملتوی کی جاتی ہے۔
مزید پڑھیں :ہمیں ٹارگٹ کیا جا رہا ہے سپریم کورٹ کے فیصلے کے بعد ہمارے ایم این ایز کو اٹھایا گیا ، بیرسٹر گوہر
