اسلام آباد(نیوزڈیسک) الیکشن کمیشن کے ممبر سندھ نثار درانی کا پولنگ کا وقت بڑھانے کے حوالے سے اہم بیان جاری ۔ممبر الیکشن کمیشن سندھ نثار درانی نے میڈیا سے گفتگو کرتے ہوئے کہا کہ ہم نے پوسٹل بیلٹ کے ذریعے ووٹ پول کر دیا ، پولنگ کا وقت بڑھانے کافیصلہ ابھی نہیں ہوا تاہم اگر ضرورت پڑی تو پولنگ کا وقت بڑھانے کا فیصلہ کیا جاسکتا ہے ۔
انہوں نے کہا کہ گوجر خان کے مختلف پولنگ سٹیشن کا دورہ کریں گے،ابھی تک پولنگ کے عمل سے مطمئن ہیں، پولنگ کے حوالے سے تاحال کوئی بڑی شکایت موصول نہیں ہوئی۔نثار درانی نے مزید کہا کہ موبائل سروس بند کرنے کا فیصلہ انتظامیہ کا تھا، تاہم موبائل سروس کی بند ش سے الیکشن کمیشن کے کام پر کوئی فرق نہیں پڑے گا۔اس سے قبل الیکشن کمیشن کے دیگر حکام نے بتایا تھا کہ انٹرنیٹ چلے یا نہ چلے ، الیکشن منیجمنٹ سسٹم چلتا رہے گا۔
