اسلام آباد( نیوز ڈیسک ) آئی ایم ایف کی شرائط کے تحت ملک میں گیس کی قیمتوں میں آئندہ ماہ مزید اضافے کا فیصلہ کرلیا گیا، ذرائع کے مطابق پاکستان اور آئی ایم ایف کے درمیان نہ صرف ساختی معیار کی شرائط کے تحت گیس کی قیمتوں میں مزید اضافہ کرنے پر اتفاق کیا گیا ،بلکہ چینی پر فی کلو 5 روپے فیڈرل ایکسائز ڈیوٹی لگانے کی شرط بھی تسلیم کرلی گئی،علاوہ ازیں پاکستان نے بجلی چوری روکنےکیلئے علیحدہ پولیس فورس بنانے کا منصوبہ بھی پیش کردیا، ڈسٹری بیوشن کمپنیوں کی نگرانی کے لیے آزاد مانیٹرنگ سسٹم بنایا جائے گا،تقسیم کار کمپنیوں کو نجی شعبے کے حوالے کرنیکی یقین دہانی بھی کروائی گئی ہے، بجلی چوری کی روک تھام کیلئے بھی قانون سازی ہوگی جس کی منظوری وفاقی کابینہ سے لی جائیگی۔
