پیرس(نیوزڈیسک) فرانسسی خاتون فرانکوئس بیٹن کورٹ میئرس کے اثاثے 100 ارب ڈالرز سےتجاوزکرگئے ،دنیا کی پہلی خاتون جودولت کمانے میں کامیاب ثابتہوئیں۔دنیا کے مقبول ترین میک اپ برانڈ کمپنی کی مالک فرانکوئس بیٹن کورٹ دنیا کی 12 ویں امیر ترین شخصیت اور پہلی بار ان کے اثاثے 100 ارب ڈالرز تک پہنچ گئے۔ان کی کمپنی کے حصص کی مالیت میں 2023 کے دوران 35 فیصد اضافہ ہوا، جس سے عندیہ ملتا ہے کہ کووڈ 19 کی وبا کے بعد لوگ ایک بار پھر پرتعیش مصنوعات پر پیسے خرچ کر رہے ہیں۔70 سالہ فرانکوئس بیٹن کورٹ کے والد نے L’Oréal گروپ آف کمپنیز کی بنیاد رکھی تھی ، والدین کی اکلوتی اولاد ہیں۔2017 میں والدہ کے انتقال کے بعد انہیں کمپنی کے 33 فیصد حصص اور دیگر اثاثے دیئے گئے ۔ اب وہ دنیا کیبڑی کاسمیٹک کمپنی کی وائس چیئر پرسن ہیں۔اگرچہ ان کے اثاثے 100 ارب ڈالرز تک پہنچ گئے مگر دنیا کے امیر ترین شخص ایلون مسک کے مقابلے میں بہت کم ہیں جو 232 ارب ڈالرز کے مالک ہیں۔فرانکوئس بیٹن کورٹ میئرس بزنس کیساتھ ساتھ لکھنا بھی پسند کرتی ہیں اور اب تک مختلف موضوعات پر کئی کتابیں تحریر کرچکی ہیں۔انہوں نے 1984 میں شادی کی تھی اور ان کے 2 بیٹے ہیں۔