رائیونڈ (اے بی این نیوز) وزیراعظم شہباز شریف نے رائیونڈ میں پاکستان مسلم لیگ (ن) کے صدر اور سابق وزیراعظم نواز شریف سے اہم ملاقات کی، جس میں ملک کی مجموعی سیاسی، معاشی اور قومی صورتحال پر تفصیلی تبادلۂ خیال کیا گیا۔
ذرائع کے مطابق ملاقات میں موجودہ ملکی صورتحال، حکومتی امور، سیاسی معاملات اور آئندہ کی حکمت عملی سمیت مختلف اہم امور پر مشاورت کی گئی۔
ملاقات میں وزیراعلیٰ پنجاب مریم نواز شریف اور نائب وزیراعظم و وزیر خارجہ سینیٹر محمد اسحاق ڈار بھی شریک تھے، جبکہ قومی اور سیاسی معاملات پر مختلف پہلوؤں کا جائزہ لیا گیا۔
ذرائع کا کہنا ہے کہ ملاقات کے دوران حکومت کی کارکردگی، عوامی فلاحی اقدامات اور ملک کو درپیش چیلنجز پر بھی تبادلۂ خیال کیا گیا، جبکہ قومی مفاد میں باہمی مشاورت کے عمل کو جاری رکھنے پر اتفاق کیا گیا۔
یہ ملاقات ایسے وقت میں ہوئی ہے جب ملک میں سیاسی سرگرمیاں تیز ہیں اور مختلف اہم قومی و سیاسی معاملات زیر بحث ہیں، جس کے باعث اس ملاقات کو بھی اہم پیش رفت قرار دیا جا رہا ہے۔
مزید پڑھیں:ایف-35 بی لڑاکا طیارہ گر کر تباہ، بڑی خبر سامنے آگئی
