سبی(نیوز ڈیسک) بلوچستان کے ضلع سبی کے قریب مسافر ویگن ٹرک سے ٹکرا گئی، جس کے نتیجے میں 5 مسافر جاں بحق اور 13 زخمی ہوگئے۔
ریسکیو حکام کے مطابق کوئٹہ سے جیکب آباد جانے والی مسافر ویگن تیز رفتاری کے باعث ٹرالر کو اوور ٹیک کرتے ہوئے مٹیاری کے مقام پر سامنے سے آنے والے ٹرک سے ٹکرا گئی۔
ریسکیو حکام کا کہنا ہے کہ واقعے کی اطلاع ملتے ہی لیویز، ایف سی حکام اور امدادی ٹیمیں موقع پر پہنچ گئیں۔ حادثے میں 5 مسافر موقع پر ہی جاں بحق جبکہ 13 زخمی ہوگئے جنہیں ڈسٹرکٹ اسپتال سبی منتقل کردیا گیا۔ڈاکٹروں کے مطابق دو زخمی مسافروں کی حالت تشویشناک ہے۔
مزید پڑھیں: اسموگ تشویشناک صورتحال،پنجاب اسمبلی کا خصوصی اجلاس طلب
