اسلام آباد ( اے بی این نیوز ) ترجمان دفتر خارجہ نے کہا ہے کہ پاکستان مقبوضہ کشمیر میں 3 کشمیری شہریوں کے حراستی قتل کی مذمت کرتا ہے،یہ واقعہ ایک بار پھر بھارتی مقبوضہ کشمیر میں ہندوستان کی بے لگام ریاستی دہشت گردی کو بے نقاب کرتا ہے، مقبوضہ جموں و کشمیر کے ضلع پونچھ کے بفلیاز میں تین کشمیری شہریوں کے وحشیانہ حراستی قتل کی شدید الفاظ میں مذمت کی جاتی ہے، مقتول شہریوں کو بھارتی قابض فوج کے ایک کیمپ میں تشدد کرکے ہلاک کیا گیا، بھارتی اہلکاروں کی جانب سے تین افراد کو برہنہ کرنے اور ان پر مرچ پاؤڈر چھڑکنے کی مبینہ ویڈیو کلپ سوشل میڈیا پر وائرل ہے، ہندوستان کی جانب سے مقبوضہ کشمیر میں حراستی ہلاکتوں کے ذمہ داروں کا احتساب ہونا چاہیے، ہندوستان کا ظالمانہ قبضہ تمام بڑے مسائل کی جڑ ہے، کشمیری عوام کو اپنے ناقابل تنسیخ حق خودارادیت کا احساس کرنا چاہیے جیسا کہ اقوام متحدہ کی سلامتی کونسل کی متعلقہ قراردادوں میں درج ہے۔
