اسلام آباد ( اے بی این نیوز )وزیر نجکاری فواد حسن فواد سے متحدہ عرب امارات کے سفیر حماد عبید ابراہیم سالم الزابی کی ملاقات ، باہمی دلچسپی اور تعاون کے امور پر تفصیلی تبادلہ خیال کیا گیا۔ سفیر نے نگراں وزیر اعظم انوار الحق کاکڑ کے حالیہ دورہ یو اے ای کو شاندار کامیاب قراردیا شیخ محمد بن زید النہیان کی پاکستان کی ترقی کے لیے بھرپور تعاون کی خواہش کا اظہار کیا، وزارت نجکاری کے جاری اعلامیہ کے مطابق ۔سفیر یو اے ای نے کہا کہ یو اے ای حال ہی میں دستخط شدہ مفاہمت ناموں پر تیزی سے عمل درآمد چاہتا ہے ان سے پاکستان اپنے معاشی چیلنجوں سے نمٹنے کے قابل ہو سکے ۔سفیر،سفیر نے معیشت اور سرمایہ کاری کے حوالے سے موجودہ حکومت کے اقدامات کو سراہا وفاقی وزیر نے پاکستان کی حمایت پر سفیر اور متحدہ عرب امارات کی حکومت کا شکریہ ادا کرتے ہو ئے کہا کہ دونوں ممالک کے درمیان برادرانہ تعلقات کی ایک طویل تاریخ ہے، وفاقی وزیر نے سفیر کو نجکاری کے عمل اور مستقبل قریب میں سرمایہ کاری کے مواقع سے بھی آگاہ کیا
