لاہور(نیوزڈیسک)بھارتی کرکٹ بورڈ کے صدر راجر بنی نے کہا ہے کہ پاکستان میں ہمارے ساتھ بادشاہوں جیسا برتاؤ کیا گیا۔لاہور سے بھارت واپسی کے بعد راجر بنی اور نائب صدر بی سی سی آئی راجیو شکلا نے میڈیا سے گفتگو کی۔راجر بنی نے کہا کہ پاکستان میں ہمارا دو دن کا تجربہ شاندار رہا، ویسی ہی میزبانی ملی جیسے ہمیں 1984 میں ٹیسٹ میچ کے دوران ملی تھی۔صدر بی سی سی آئی نے مزید کہا کہ ہمارے دورے سے سب بہت خوش تھے، ہمیں بھی اس دورے سے بہت خوشی ہوئی۔