لاہور (اے بی این نیوز) دہشتگردی خدشات کے پیش نظر پنجاب میں سی ٹی ڈی کی کارروائیاں جاری ہیں، انٹیلی جنس بیسڈ آپریشن کے دوران 4 دہشتگرد گرفتار کرلئے۔ دہشتگردوں کی گرفتاری شیخوپورہ ، سرگودھا ،ساہیوال اور راولپنڈی سے عمل میں لائی گئی ، گرفتار دہشتگردوں کا تعلق کالعدم تنظیم سے ہے ، دہشتگردوں کے قبضے سے بارودی مواد ، ڈیٹو نیٹرز ، فون اور نقدی برآمد کی گئی ۔سی ٹی ڈی حکام کا کہنا ہے کہ گرفتار دہشت گردوں کی شناحت زاہد ، نعمت، زبیر اور عبدالغفورکے کے نام سے ہوئی ، دہشتگردوں کے خلاف چار مقدمات درج کرکے مزید تفتیش کی جارہی ہے۔رواں ہفتے166 کومبنگ آپریشنز کے دوران 22 مشتبہ افراد گرفتار کیے گئے ، کومبنگ آپریشنز میں 8218افراد سے پوچھ گچھ کی گئی۔حکام نے مزید کہا کہ سی ٹی ڈی محفوظ پنجاب کے ہدف پر عمل پیرا ہے ، دہشت گردی کے ناسور کو جڑ سے اکھاڑ پھینکنے کے لیے پرعزم ہیں۔