اسلام آباد ( اے بی این نیوز )مسلم لیگ نواز کے انٹرا پارٹی الیکشن آج ہونگے۔مرکزی جنرل کونسل کا اجلاس آج اڑھائی بجےاسلام آباد میں ہوگا جس میں پارٹی صدر سمیت مرکزی عہدیداران کا انتخاب عمل میں لایاجائے گا۔اجلاس میںچاروں صوبوں کے ارکان شریک ہوں گے جبکہ آزادکشمیر اور گلگت بلتستان، اسلام آباد کے مرکزی کونسل کے ارکان بھی اجلاس میں شرکت کرینگے۔ انٹرا پارٹی الیکشن کیلئے پارٹی کی چیف آرگنائزر مریم نواز اجلاس کی صدارت کریں گی۔ذرائع کے مطابق مریم نوازکی زیرصدارت اجلاس میں پارٹی آئین میں بھی ترامیم لانے کا امکان ، سوشل میڈیا ونگ کو پارٹی آئین میں شامل کرکے باقاعدہ ونگ کا درجہ دیا جائے گا۔چیف آرگنائزر مریم نواز نے ایم ایس ایف کی بحالی کا ٹاسک بھی سیکرٹری جنرل کو سونپا تھا، وفاقی وزیر احسن اقبال ایم ایس ایف کی بحالی کے حوالے سے فریم ورک پیش کریں گے۔
