لاہور(نیوزڈیسک)مسلم لیگ (ق) کے سربراہ چوہدری شجاعت حسین نےچودھری شجاعت نے حکومت سے پی ٹی آئی پرپابندی کا مطالبہ کردیا۔مسلم لیگ ہاؤس سے لاہور پریس کلب تک پاک فوج سے اظہار یکجہتی کیلئے ریلی نکالی گئی، ریلی کے شرکاء نے بینرزاورپلے کارڈز اٹھا رکھے تھے جن پر پاک فوج کے حق میں نعرے درج تھے۔اس موقع پر میڈیا سے گفتگو کرتے ہوئے چودھری شجاعت نے کہا کہ نو مئی کو جو ہوا پچھتر سال میں کبھی ایسا نہیں ہوا،ن کی پالیسی ملک دشمن ہے، لوگوں کو ایسے رہنما کی بات نہیں ماننی چاہیے۔ غلط کام کرنے والوں کو سزا ملے گی۔انہوں نےکہا کہ جنرل عاصم منیر پاک فوج کے سپہ سالار ہیں ،جو ان کے خلاف بات کرے گا وہ ملک کے خلاف بات کرے گا۔انہوںنے کہا کہ اس معاملے میں تمام جماعتیں ایک ہیں کوئی سازش کامیاب نہیں ہونے دیں گے،جن لوگوں نے آرمی تنصیبات کی توڑ پھوڑ کی ان کے خلاف آرمی ایکٹ اور آفیشل سیکرٹ ایکٹ کے تحت مقدمات درج ہونگے۔
