اسلام آباد (نیورز ڈیسک)
چکن حلیم بنانے کیلئے اجزاء
دو کھانے کے چمچے، ادرک لہسن کا پیسٹ
پسی ہوئی لال مرچ تین کھانے کے چمچے
ہلدی ایک کھانے کا چمچہ
پسا ہوا دھنیا ایک کھانے کا چمچہ
ادرک، گرم مصالحہ، لیموں اور ہری دھنیا گارنش کرنے کیلئے۔
ایک کپ چنے کی دال
پاؤ کپ مونگ کی دال
پاؤ کپ مسور کی دال
پاؤ کپ ارہر کی دال
پاؤ کپ ماش کی دال
ایک کپ چاول
پاؤ کپ تیل
ایک کلو بون لیس چکن
آدھا کپ براؤن پیاز
ایک کپ دہی
نمک حسب ذائقہ
آدھا کلو گندم
چکن حلیم بنانے کا طریقہ
گندم رات بھر پانی میں بھگو دیں، صبح اچھی طرح دھو کر 12کپ پانی کے ساتھ گندم گلنے اور آمیزہ گاڑھا ہونے تک پکائیں،ایک پین میں چنے کی دال، مونگ کی دال، مسور کی دال، ارہر کی دال، ماش کی دال اور چاول گلنے تک ایک ساتھ پکائیں۔ پھر اچھی طرح پیس کر ایک طرف رکھ دیں۔ ایک پین میں تیل گرم کرکے ادرک لہسن کا پیسٹ، پسی ہوئی لال مرچی، ہلدی اور پسا ہوا دھنیا ملا کر پکائیں۔پھر براؤن پیاز، ایک کپ دہی اور حسب ذائقہ نمک ڈال کر سوتے کرلیں۔ تھوڑے سے پانی میں بون لیس چکن اچھی طرح گلائیں، جب چکن گل جائے تو براؤن پیاز، دہی میں اچھی طرح میش کرلیں۔ پھر اس آمیزے میں گندم اور دالوں کی آمیزہ ملائیں اور ساتھ میں چمچہ بھی چلاتے رہیں اور دھیمی آنچ پر پکنے کے لیے رکھ دیں۔ تڑکا لگانے کیلئے تیل گرم کرکے گولڈن براؤن پیاز بھون لیں اور تیار حلیم پر گولڈن براؤن پیاز کا تڑکا لگا کر کٹی ہوئی ادرک، گرم مصالحے اور ہرے دھنیے سے گارنش کرکے کٹے ہوئے لیموں کے ساتھ پیش کریں ۔ پنجاب اور کراچی میں زیادہ تر لو گ چکن حلیم کے ساتھ صبح کا ناشتہ کرنا پسند کرتے ہیں آپ اسے روٹی یا نان کلچے کے ساتھ کھا سکتے ہیں۔ یقینا ہماری بتائی ترکیب سے بنی حلیم آپ سالوں تک یاد رہے گی۔