لاہور(نیوز ڈیسک) پاکستان تحریک انصاف کے رہنماؤں نے کہا کہ حکومت آئین سے انحراف پر بضد ،پی ڈی ایم شہبازشریف کی قربانی کا فیصلہ کرچکی ہے ، عدالتی حکم پر عملدرآمد نہ ہوا تو فیصلہ سڑکوں پر ہوگا۔آج لاہور میں پاکستان تحریک انصاف کے رہنماؤں کے ہمراہ میڈیا سے گفتگو کرتے ہوئے سابق وزیر خزانہ اسد عمر نے کہا کہ امید ہے عدالت آئین پر عملدر آمد کے لئے ٹھوس اقدامات کرے گی، آئین کے انحراف کا مطلب ہر پاکستانی کے حق پر ڈاکاہے،حکومت ایک بار پھرعدالت کے حکم سےعدولی کرے گی، یہ لوگ شہبازشریف کی قربانی کا فیصلہ کرچکے ہیں،کل پارلیمان میں اعلان بغاوت کیا گیا، پارلیمان میں سپریم کورٹ کے کسی جج سے متعلق بحث نہیں ہوسکتی، کل ایک بار پھر ذاتی حملے کیے گئے، عوام آئینی حقوق کے لئے باہر نکلیں گے۔
اس موقع پر پاکستان تحریک انصاف کے رہنما فرخ حبیب نے گفتگو کرتے ہوئے کہا کہ سپریم کورٹ کے حکم پرعمل نہیں ہوا تو یہ کبھی الیکشن نہیں کروائیں گے، عدالتی حکم پر عملدرآمد نہ ہوا تو فیصلہ سڑکوں پر ہوگا۔ انہوں نے کہا کہ عدالتی حکم پر عملدرآمد نہ ہوا تو فیصلہ سڑکوں پر ہوگا،آج پوری قوم کی نظریں سپریم کورٹ پر لگیں ہوئی ہیں، امپورٹڈ حکومت سپریم کورٹ کے حکم کی عدولی کررہی ہے،حکومت کے پاس بل منظور کروانے کی اکثریت نہیں، ن اور ش کی لڑائی بڑھ چکی ہے، شہبازشریف کو نااہل کروایا جارہا ہے، ن لیگ انتخابات میں شکست کے خوف سے بھاگ گئی ہے۔
