سہیون(نیوزڈیسک)جامشورو سے سیہون شریف جانے والی بس حادثے کا شکار، حادثے میں پانچ افراد جان کی بازی ہار گئے۔ ٹریفک کا المناک حادثہ انڈس ہائی وے پر مانجھند کے قریب پیش آیا جس میں 9 افراد زخمی بھی ہوگئے۔ایس ایس پی جامشورو عمران قریشی نے بتایا کہ حادثہ انڈس ہائی وے پر پیش آیا جہاں تھوڑی پھاٹک کے مقام پر تیز رفتار کوسٹر بے قابو ہوکر سڑک سے نیچے کچے میں جا گری جس کے نتیجے میں 2 بچے اور خواتین سمیت 5 افراد جاں بحق ہوگئے۔مسافر کوسٹر حیدرآباد سے سیہون جارہی تھی لاشوں اور زخمیوں کو مانجھند تعلقہ اسپتال اور عبداللّٰہ شاہ میڈیکل انسٹیٹیوٹ سیہون منتقل کیا گیا ہے۔
