لاہور(نیوزڈیسک)پی ٹی آئی رہنما فواد حسین چوہدری نے کہاہے کہ تحریک انصاف کی قیادت نے فیصلہ کیا ہے کہ وزیراعلیٰ پنجاب اعتماد کا ووٹ لیں گے، ہمارا وفد جلد پرویز الٰہی سے ملے گا اور تاریخ طے کرے گا۔چوہدری شجاعت بزرگ آدمی ہیں ان کا شہباز شریف سے ملاقاتوں کا کوئی فائدہ نہیں ہوگا فائدہ ہمیں ہی پہنچے گا۔ بلاول نے خارجہ پالیسی کا بیڑہ غرق کر دیا، کابینہ کا فوکس بیرون ملک دوروں پر ہے اور کیسز ختم پر ہے، پاکستان میں اس وقت تک استحکام نہیں آئے گا جب تک الیکشن نہیں ہوتا۔لاہور زمان پارک کے باہر دیگر رہنماؤں میاں اسلم اقبال اور مسرت جمشید چیمہ کے ساتھ گفتگو کرتے ہوئے انہوں نے کہا کہ رانا ثنا اللہ اور سعد رفیق سے گزارش ہے کہ وہ معیشت پر بات نہ کیا کریں، یہ تو نریندر مودی کے لبیرازم پر بات کرنے کے مترادف ہے، یہ اپنے وزیرخزانہ کی بات سن لیں تو پتا چل جائے گا کہ اکانومی کا کیا حال کیا۔انہوں نے کہا کہ آج دہشت گردی اسلام آباد تک پہنچ گئی، ہمارے دور میں دہشت گردی نہ ہونے کے برابر رہ گئی تھی، افغانستان میں عدم استحکام کی قیمت پاکستان کو ادا کرنا پڑے گی، افغانستان کے ساتھ تعلقات کو خراب کیا گیا۔انہوں نے کہا کہ بلاول نے خارجہ پالیسی کا بیڑہ غرق کر دیا، کابینہ کا فوکس بیرون ملک دوروں پر ہے اور کیسز ختم پر ہے، پاکستان میں اس وقت تک استحکام نہیں آئے گا جب تک الیکشن نہیں ہوتا۔ ان کا کہنا تھا کہ ہم جب اسمبلی میں جا کر استعفی منظور کروانے کا کہتے ہیں تو اسپیکر بھاگ جاتے ہیں، پاکستان کی تاریخ میں پہلی بار 127 استعفے آئے، انہوں نے کہا کہ آج عمران خان نے پنجاب کی سینئر لیڈر شپ کا اجلاس طلب کیا ہے، فیصلہ کیا ہے کہ ہم اعتماد کا ووٹ لینے جا رہے ہیں، ہمارا ایک وفد چوہدری پرویز الٰہی سے ملنے جائے گا اور ووٹ کی تاریخ طے کریں گا، تمام ارکان اعتماد کا ووٹ چوہدری پرویز الٰہی کو دیں گے۔فواد چوہدری نے مزید کہا کہ کورٹ نے فیصلے میں کہا ہے کہ آپ جب چاہیں اعتماد کا ووٹ لے سکتے ہیں، چوہدری شجاعت بزرگ آدمی ہیں ان کا شہباز شریف سے ملاقاتوں کا کوئی فائدہ نہیں ہوگا فائدہ ہمیں ہی پہنچے گا۔
![](https://abnnews.pk/wp-content/uploads/2024/09/parlilment-371x212.jpg)