کوئٹہ(نیوز ڈیسک)بلوچستان ہائی کورٹ نے پاکستان تحریک انصاف کے سینیٹر اعظم خان سواتی کے خلاف صوبے میں درج مزید تین مقدمات ختم کرنے کا حکم دے دیا۔پیر کو بلوچستان ہائیکورٹ نے محفوظ فیصلہ سناتے ہوئے سینیٹر اعظم سواتی پر درج تمام مقدمات ختم کردیے ہیں، جبکہ کیس کی سماعت جسٹس عبدالحمید بلوچ نے کی۔سینیٹراعظم سواتی کے خلاف تین مقدمات وندر بیلہ اور چمن میں درج تھے اوران کے خلاف درج 5 مقدمات پہلے، جبکہ 3 آج ختم کردئیے گئے ہیں۔سینیٹر اعظم خان سواتی کے کیس کی پیروی نصیب اللہ ترین ایڈووکیٹ کی جانب سے کی گئی۔واضح رہے کہ سینیٹر اعظم سواتی پرفوج کے خلاف تقریر اورمتنازع ٹویٹ کرنے پرمقدمات درج کیے گئے تھے۔
![](https://abnnews.pk/wp-content/uploads/2024/09/parlilment-371x212.jpg)