تہران (اے بی این نیوز) ایران کے سابق وزیر خارجہ منوچہر متقی نے اپیل کی ہے کہ ایرانی عدلیہ فوری طور پر امریکی صدر ڈونلڈ ٹرمپ اور اسرائیلی وزیراعظم نیتن یاہو کے خلاف سزائے موت کا حکم جاری کرے۔
ایران کے سابق وزیر خارجہ اور رکن پارلیمنٹ منوچہر متقی نے مطالبہ کیا ہے کہ ایرانی عدلیہ بدلے کے اسلامی اصول کے تحت امریکی صدر ڈونلڈ ٹرمپ اور اسرائیلی وزیر اعظم نیتن یاہو کے خلاف فوری طور پر سزائے موت جاری کرے۔
منوچہر متقی نے کہا ہے کہ میں آپ کو یقین دلاتا ہوں کہ جیسے ہی ایرانی عدلیہ کے سربراہ غلام حسین محسنی ایران میں ٹرمپ کے خلاف انتقامی فیصلہ جاری کریں گے، ٹرمپ پیچھے ہٹ جائیں گے اور اپنا توازن کھو دیں گے۔
انہوں نے یہ بھی کہا کہ آبنائے ہرمز کے معاملے پر عمان کے ساتھ مذاکرات کرنا اور اس اہم آبی گزرگاہ کے انتظام میں مسقط کو ممکنہ کردار دینے پر غور کرنا ایران کے لیے بہت بڑی غلطی ہے۔
مزید پڑھیں:موٹروے پولیس کی بڑی کارروائی،220 ملین سگریٹ اسمگل کرنے کی کوشش ناکام
