اسلام آباد (اے بی این نیوز) وزیراعظم محمد شہباز شریف(Prime Minister Muhammad Shehbaz Sharif) نے کچرے سے توانائی کی پیداوار کے حوالے سے ٹاسک فورس بنانے کی منظوری دے دی۔
ٹاسک فورس فضلہ سے توانائی کے موجودہ فریم ورک کا جائزہ لے گی اور اس سلسلے میں نئی قومی پالیسی مرتب کرنے پر کام کرے گی اور نجی شعبے کی حوصلہ افزائی کے ساتھ قومی فضلہ سے توانائی کی پالیسی مرتب کرے گی، واضح حکمت عملی، ادارہ جاتی نظام اور پاکستان میں فضلے سے توانائی کے منصوبوں کے فروغ کے لیے ایک روڈ میپ تیار کیا جائے گا۔
وفاقی وزیر پاور ڈویژن (Federal Minister for Power Division)سردار اویس لغاری اس ٹاسک فورس کے کنوینر ہوں گے۔ وفاقی وزیر برائے موسمیاتی تبدیلی مصدق ملک، وزیر مملکت برائے خزانہ و ریلوے بلال اظہر کیانی، وفاقی سیکرٹری موسمیاتی تبدیلی، وفاقی سیکرٹری بین الصوبائی تعلقات، لوکل گورنمنٹ، موسمیاتی تبدیلی اور چاروں صوبوں کے سیکرٹری توانائی، گلگت بلتستان اور آزاد جموں و کشمیر بھی ٹاسک فورس کا حصہ ہوں گے۔ نجی شعبے سے وابستہ افراد کو ٹاسک فورس میں بطور ممبر شامل کیا گیا ہے۔
ٹاسک فورس پاکستان میں فضلے سے توانائی کے موجودہ فریم ورک کا جائزہ لے گی اور اس سلسلے میں بین الاقوامی بہترین طریقوں کا جائزہ لے گی اور اس سلسلے میں قانونی، ریگولیٹری، مالی اور آپریشنل رکاوٹوں کی نشاندہی کرے گی۔
ٹاسک فورس کے ٹی او آرز میں فضلے سے توانائی کے لیے قانون سازی اور ریگولیٹری اصلاحات سمیت اقدامات کی سفارش بھی شامل ہے۔ ٹاسک فورس اس شعبے میں سرمایہ کاری، ہم آہنگی اور فضلہ سے توانائی کے نفاذ میں سہولت فراہم کرنے کے لیے اقدامات کی بھی سفارش کرے گی۔
مزید پڑھیں:چین اور امریکا کے تعلقات میں اہم پیش رفت،ایران پر بڑی اپڈیٹ
