ملک بھر میں عیدالاضحیٰ eid ul adha کی آمد کے ساتھ ہی شہری انتظامیہ نے بڑے پیمانے پر تیاریاں شروع کر دی ہیں۔ کراچی اور لاہور میں مویشی منڈیوں cattle marketsکے قیام اور عارضی سیل پوائنٹس کے لیے اجازت نامے اور مقامات کی فہرستیں جاری کر دی گئی ہیں، جس کے بعد انتظامی سرگرمیوں میں نمایاں تیزی آ گئی ہے۔
کراچی میں کمشنر کی جانب سے بلدیہ عظمیٰ کو شہر کے مختلف علاقوں میں مویشی منڈیاں قائم کرنے کی اجازت دی گئی ہے۔ شہر کے اندر پانچ بڑے مقامات کو ابتدائی طور پر منتخب کیا گیا ہے، جہاں شہری قربانی کے جانور خرید و فروخت کر سکیں گے۔ اس کے علاوہ مختلف محکموں کو بھی ہدایت دی گئی ہے کہ وہ مجموعی طور پر 20 سے زائد مقامات پر انتظامات کو حتمی شکل دیں۔
چوہدری پرویز الٰہی کس سیاسی پارٹی میں رہیں گے ؟ کیا کہیں جا رہے ہیں، دوٹوک بتا دیا،جا نئے تفصیل
ادھر لاہور میں بھی 13 مئی سے عارضی مویشی سیل پوائنٹس فعال کرنے کا فیصلہ کیا گیا ہے۔ شہر میں متعدد بڑے مقامات پر عارضی منڈیاں قائم کی جائیں گی، جہاں شہریوں کو بہتر سہولتیں فراہم کرنے کے لیے ٹینٹس، پانی، سیکیورٹی اور طبی سہولیات کا انتظام کیا جا رہا ہے۔ حکام کے مطابق ان منڈیوں میں پولیس، ریسکیو اور دیگر ادارے بھی ڈیوٹی انجام دیں گے تاکہ شہریوں کو محفوظ ماحول فراہم کیا جا سکے۔
انتظامیہ کا کہنا ہے کہ عید کے موقع پر جانوروں کی خرید و فروخت کے دوران ٹریفک، صفائی اور سیکیورٹی کو خصوصی طور پر کنٹرول کیا جائے گا، جبکہ لائیو اسٹاک اور صحت کے محکمے بھی فعال کردار ادا کریں گے۔
