تہران (اے بی این نیوز)اسرائیل کی جانب سے ایران کے مختلف علاقوں میں بنیادی ڈھانچے کو نشانہ بنانے کے دعوے سامنے آئے ہیں۔ الجزیرہ کی رپورٹ کے مطابق اسرائیلی فوج نے ایران کے اندر متعدد پلوں پر حملوں کا دعویٰ کیا ہے جن کا مقصد مبینہ طور پر عسکری نقل و حرکت اور اسلحے کی ترسیل کو متاثر کرنا بتایا جا رہا ہے۔رپورٹ میں کہا گیا ہے کہ ان کارروائیوں میں تہران، کرج، تبریز، کاشان اور قم جیسے شہروں میں پلوں کو نشانہ بنایا گیا۔ دعوے کے مطابق ان پلوں پر حملوں کا مقصد پاسدارانِ انقلاب کی لاجسٹکس اور سپلائی لائنز کو محدود کرنا تھا۔
الجزیرہ کے مطابق مجموعی طور پر آٹھ پلوں کو ہدف بنانے کا دعویٰ کیا گیا ہے، تاہم اس حوالے سے آزاد ذرائع سے مکمل تصدیق سامنے نہیں آئی۔ نہ ہی ایران کی جانب سے فوری طور پر تمام تفصیلات کی باضابطہ اور جامع تصدیق کی گئی ہے، جبکہ صورتحال پر مختلف بیانات اور دعوے گردش کر رہے ہیں۔
مزید پڑھیں :آٹھ بج گئے، سمارٹ لاک ڈاؤن کا آغاز،دکانیں بند ہو نا شروع ہو گئیں
