کراچی(نیوزڈیسک)گورنر سندھ کامران خان ٹیسوری نے کہا ہے کہ شہر قائد کو روشنیوں کا شہر بنانے کے لئے مل کر کام کرنا ہوگا، ملک کے معاشیشی حب کراچی کی تعمیر و ترقی ہم سب کی مشترکہ ذمہ داری ہے ، تنقید کی پرواہ نہیں لوگوں کو جوڑنے کا کام جاری رکھوں گا، اس مقصد کے لئے کسی کے پاس بھی جانے کے لئے تیار ہوں۔
انہوں نے ان خیالات اظہار متحدہ قومی موومنٹ کے رہنما سید مصطفیٰ کمال اور انیس قائم خانی کی گورنر ہاوس میں ملاقات کے دوران کیا۔کامران خان ٹیسوری نے مزید کہا کہ شہر قائد کے باسیوں کو بہتر بنیادی سہولیات کی فراہمی کے لئے تمام اسٹیک ہولڈرز سے مل رہا ہوں۔اس موقع پر پاک سرزمین پارٹی کے سربراہ مصطفی کمال نے کہا کہ گورنر سندھ صوبہ کے عوام کی احسن انداز میں خدمت کررہے ہیں، سرسبز و شاداب کراچی کا خواب ان کی کاوشوں کی بدولت جلد پایہ تکمیل کو پہنچے گا۔
