جکارتہ ( اے بی این نیوز )انڈونیشیا کے تلاؤد جزیرے کے قریب شدید زلزلہ ریکارڈ کیا گیا، جس کی شدت 6.8 بتائی گئی ہے۔ زلزلے کے باعث علاقے میں خوف و ہراس پھیل گیا اور لوگ گھروں اور عمارتوں سے باہر نکل آئے۔غیر ملکی میڈیا کے مطابق جرمن ریسرچ سینٹر فار جیو سائنسز کا کہنا ہے کہ زلزلہ تلاؤد جزائر کے ساحلی علاقے میں آیا، جس کی گہرائی 77 کلو میٹر ریکارڈ کی گئی۔ دوسری جانب انڈونیشیا کے زلزلہ پیما مرکز نے زلزلے کی شدت 7.1 اور گہرائی 17 کلو میٹر بتائی ہے۔
اداروں کے مطابق زلزلے کے بعد سونامی کا کوئی خطرہ نہیں ہے، تاہم جھٹکے قریبی علاقوں میں بھی محسوس کیے گئے جس کے باعث عوام میں خوف پھیل گیا۔اب تک کسی جانی یا مالی نقصان کی اطلاع سامنے نہیں آئی۔ حکام کا کہنا ہے کہ صورتحال پر مسلسل نظر رکھی جا رہی ہے اور عوام سے پرسکون رہنے کی اپیل کی گئی ہے۔
مزید پڑھیں :سردی کی لہر مزید شدت، جا نئے کب تک برقرار رہے گی
