لاہور (اے بی این نیوز) وزیراعلیٰ خیبر پختونخوا سہیل آفریدی کے معاون خصوصی برائے اطلاعات شفیع جان نے وزیر اطلاعات پنجاب عظمیٰ بخاری سے متعلق اپنے متنازع بیان پر باضابطہ طور پر معذرت کرلی۔

ٹی وی پروگرام میں گفتگو کرتے ہوئے شفیع جان نے کہا کہ جو کچھ ہوا، وہ نہیں ہونا چاہیے تھا، یہ بیان جذبات کی شدت یا ہیٹ آف دی مومنٹ میں دیا گیا، جس پر انہیں افسوس ہے۔ انہوں نے واضح کیا کہ اگر ان کے الفاظ سے کسی کی دل آزاری ہوئی ہے تو وہ اس پر خلوصِ دل سے معذرت خواہ ہیں۔

شفیع جان کا کہنا تھا کہ سیاست میں اختلاف رائے فطری بات ہے، تاہم ذاتی نوعیت کے جملوں یا سخت الفاظ سے گریز کیا جانا چاہیے، بطور عوامی نمائندہ ان پر یہ ذمہ داری عائد ہوتی ہے کہ وہ الفاظ کے انتخاب میں احتیاط کریں، کیونکہ عوامی شخصیات کے بیانات نہ صرف سیاسی ماحول بلکہ معاشرتی فضا پر بھی اثر انداز ہوتے ہیں۔

مزید پڑھیں۔عمران خان کے ایکس اکاونٹ پر پابندی سے متعلق درخواست سماعت کیلئے مقرر