بھارت(اے بی این نیوز)بھارتی ریاست مغربی بنگال کی وزیر اعلیٰ ممتا بنرجی نے دہلی اور مقبوضہ کشمیر میں ہونے والے حملوں پر سوالات اُٹھا دیے۔

بھارتی میڈیا کے مطابق ممتا بنرجی نے سوال اٹھایا کہ بتایا جائے پہلگام حملہ کس نے کیا اور دہلی میں دھماکا کیسے ہوا؟

اس کے علاوہ انہوں نے بھارتی وزیرِ داخلہ امیت شاہ سے استعفے کا مطالبہ بھی کر دیا ۔

ممتا بنرجی نے کہا داخلی سلامتی میں ناکامی پر وزیر داخلہ کو اخلاقی ذمہ داری قبول کرتے ہوئے استعفیٰ دینا چاہیے، بصورت دیگر عوام انہیں اقتدار سے نکال باہر کریں گے۔

واضح رہے کہ پہلگام واقعہ 22 اپریل 2025 کو پیش آیا، جب مقبوضہ جموں و کشمیر کے ضلع اننت ناگ میں بیسارن کے مقام پر سیاحوں پر ایک دہشتگرد حملہ ہوا جس میں 28 سے زائد افراد ہلاک اور بہت سے زخمی ہوئے تھے۔

مزید پڑھیں۔فیض حمید بانی پی ٹی آئی کے خلاف سرکاری گواہ نہیں بن رہے، وکیل کا دعویٰ